இது மிகவும் ஆர்வமான படிப்பாக இருக்கும். இதில், பீங்கான், களிமண், தொழில்நுட்பம் மட்டுமின்றி செயற்கை எலும்புகள் பற்றிய தொழில்நுட்ப விஷயங்களோடு, செராமிக்கின் குணாதிசயங்கள், உற்பத்தி, பயன்பாடு, வடிவமைப்பு போன்ற பல்வேறு அம்சங்களை கற்றுக்கொள்ள முடியும்.
ஹைலைட்ஸ்:
10 ஆம் வகுப்புக்கு பிறகு இந்த படிப்பை படிக்கலாம்.
இது மாணவர்களுக்கு மிகவும் ஆர்வமான படிப்பாக விளங்கும்.
இதற்கான கல்வி காலம் 3 ஆண்டுகள்.
நாம் பள்ளி மாணவர்களாக இருக்கும் வரை நமது வாழ்க்கை இயல்பாக நகரும். ஏனெற்றால், 1 முதல் 12 ஆம் வகுப்புவரை எந்த குழப்பமும் இல்லாமல் நாம் படிக்கலாம். ஆனால், பனிரெண்டாம் வகுப்பிற்கு பின்னர் எந்தப் படிப்பைத் தேர்ந்தெடுக்கப்போகிறோம் என்பதே நமது எதிர்கால வாழ்க்கையைத் தீர்மானிக்க முக்கியக் காரணியாக இருப்பதால், கவனத்துடன் வாய்ப்புள்ள துறையைத் தேர்ந்தெடுப்பது முக்கியம்.
12 ஆம் வகுப்பில் தேர்ச்சி பெற்றவர்கள் மட்டுமல்ல, தேர்ச்சி பெறாதவர்களும் மேற்கொண்டு படிக்க ஏராளமான வாய்ப்புகள் இருக்கின்றன. ஆனால், நாம் அடுத்து என்ன படிக்க போகிறோம் என்பதை மட்டும் சரியாக தேர்ந்தெடுத்துவிட்டால் போதும், நமது எதிர்காலம் சிறப்பாக அமையும். இந்நிலையில், பலருக்கும் அதிகமாக தெரியாத செராமிக் டெக்னாலஜி படிப்பை பற்றி உங்களுக்கு நாங்கள் கூறப்போகிறோம்.
நீங்கள் யோசிக்கலாம், இன்ஃபர்மேஷன் டெக்னாலஜி தெரியும் அதென்ன செராமிக் டெக்னாலஜி என. விஞ்ஞான மனப்பான்மை, அலாதியான கற்பனை வளம், புதிதாக எதையாவது செய்ய வேண்டும் என்ற ஆர்வமுடையவர்களுக்கு இந்த செராமிக் டெக்னாலஜி படிப்பு மிகவும் உதவியாக இருக்கும். இந்த படிப்பின் மூலம், பீங்கான், களிமண், தொழில்நுட்பம் மட்டுமின்றி செயற்கை எலும்புகள் பற்றிய தொழில்நுட்ப விஷயங்களோடு, செராமிக்கின் குணாதிசயங்கள், உற்பத்தி, பயன்பாடு, வடிவமைப்பு போன்ற பல்வேறு அம்சங்களை மாணவர்கள் கற்றுக்கொள்ள முடியும்.
இது ஒரு சவாலான படிப்பாக இருந்தாலும், இதை படிப்பதன் மூலம் எதிர்கால வாழ்வை எண்ணங்களுக்கு ஏற்றவாறு செழுமையாக அமைத்துக்கொள்ள முடியும். பொதுவாக செராமிக் என்பது களிமண், சிர்கோனியா போன்றவற்றை மூலப் பொருட்களாகக் கொண்டது. நமது வீட்டிற்கு அழகு சேர்க்கும் டையில்ஸ் கற்களில் இருந்து கார்களில் பயன்படுத்தும் என்ஜின் வரை செராமிக் ஆதிக்கம் செலுத்துகிறது என்பது மறுக்கமுடியாத உண்மை.
செராமிக் டெக்னாலஜி படிப்பு நமது உடலில் இருக்கும் எலும்பு மற்றும் பற்களை மாற்றி அமைப்பதில் இருந்து, கனவில் கூட நினைத்து பார்க்க முடியாத வண்ணமயமான கலைப் பொருட்களை தயார் செய்வது வரை செராமிக் பயன்படுத்தப்படுகிறது.
இந்த வகையான படிப்புகள் டிப்ளமோ, பிஎஸ்சி, பிடெக், பிஇ என பல்வேறு பிரிவுகளில் தமிழகம் மட்டுமின்றி பல்வேறு மாநிலங்களில் பயிற்றுவிக்கப்படுகின்றன. இந்த படிப்புகளை, அண்ணா பல்கலைக்கழகம் - சென்னை. பனாரஸ் இந்து பல்கலைக்கழகம் - மும்பை. காலேஜ் ஆப் செராமிக் டெக்னாலஜி - கொல்கத்தா. இந்தியன் இன்ஸ்டிடியூட் ஆப் செராமிக்ஸ் - கொல்கத்தா, கொல்கத்தா பல்கலைக்கழகம், ஆந்திர பல்கலைக்கழகம் - ஆந்திரா ஆகிய கல்லூரிகளில் பயிலலாம்.
இந்த படிப்பை பயிலும் மாணவர்கள், தனியார் துறை மட்டுமின்றி அரசு நிறுவனங்களிலும் ஏராளமான வேலை வாய்ப்புகள் காத்திருக்கின்றன. எடுத்துக்காட்டாக, செராமிக் டெக்னாலஜிஸ்ட், செராமிக் டிசைனர் ஆகிய பதவிகளில் பணிபுரிவார்கள்.
மேலும் இவர்கள், கிளாஸ் ஆப்டிக்கல் பைபர் தொழிற்சாலைகள், கண்ணாடி தொழிற்சாலை, கண்ணாடி உற்பத்திக் கூடங்கள், ஆய்வுகூடங்கள், பல்கலைக்கழகங்கள், இந்திய விண்வெளி ஆராய்ச்சி அமைப்பு, மெட்டாலர்ஜிக்கல் ஆராய்ச்சி மையம், பாபா அணு ஆராய்ச்சி மையம் மற்றும் பிளாஸ்மா ஆராய்ச்சி நிறுவனம், சிமென்ட் தொழிற்சாலை, நியூக்ளியர் ஆலைகள் ஆகிய நிறுவனங்களில் வேலை வாய்ப்புகள் கிடைக்கும்.
இந்த படிப்பை படித்து முடித்தவுடன் ரூ.20,000 முதல் ரூ.30,000 வரை சம்பளம் கிடைக்கும். இந்த வகை படிப்புகளுக்கு வடநாடுகளில் அதிகமான வரவேற்பு உள்ளது. நீங்கள் கலைநயம் மிக்கவராக இருந்தால் இந்த படிப்பை படிக்கலாம். இந்தியா மட்டுமின்றி வெளிநாடுகளிலும் இந்த படிப்புகளுக்கு வேலை வாய்ப்புகள் வழங்கப்படுகிறது.
Comments
Post a Comment